The Mysterious Twenty Thousand Naira - Season 1 - Episode 3
The Mysterious Twenty Thousand Naira - Season 1 - Episode 3
Basket Of Snails
Mum: so na because of five thousand naira you nor they fine ani?
Me: yes na everybody for class don pay finish na me remain.
Mum: then why you nor tell me since?
Me: na urgent oh.
Mum: how excursion go be urgent something abi person no go prepare down?
Me: them no quick tell us.
Mum: then you better wait oh because government never pay us.
Me: the dead line don pass oh.
Mum: tell them to hold on, abi them don pay una lecturer? i wonder wetin you they use all your money do.
Me: hiah, na handout na abeg mum try na.
Mum: no worry make month end you hear, bye bye.
She don cut am be that, so na wetin i go cum do now eh, i dey hate this kind nonsense joor, na now wey i need money na im fu-Ckup come they now abi, anyway make i see wetin my mumu neighbour go talk.
I leave my room go knock for my neigbhour door, the idiot loud music as if him they party, i wonder wetin him dey do for inside that room, i knock and knock and knock the idiot no hear, so i enter my room back and took my phone, i called him five times before he pick,
Joshua: na why you they disturb me na?
Me: my good neighnour, how you they?
Joshua: the one wey you they call me good neighbour so, make u know say i nor get garri for house oh, because i nor say everytime wey you need garri na im you they form good friend.
Me: hiah, come outside na i wan yan you something.
Josh: na better thing?
Me: yes na,. Na one babe like that wey i wan give you.
Josh: oya come my doormouth now.
I cut the call and quickly ran to his door, i saw him standing there.
Me: bros bros (i hail him)
Josh: forget that one joor, na which babe be that.
Me: na one oshere oh, the girl make sense die.
Josh: na how i go get her na?
Me: i get her number na.
Josh: oyaa call am for me sharp sharp.
Me: no wait first, e get wetin i need from you before i go give you the number.
Josh: na wetin be that na?
Me: i need you to borrow me five thousand naira month end i go give you back.
Josh: “chineke me ehh”,
Me: na why you they shout like that na?
Josh: you wicked well well, you nor like me at all.
Me: wetin i do you?
Josh: so because of only number na im you wan collect five thousand naira, god punish you.
Me: i go give you back month end na.
Josh: i dey tell you say no garri for house, you no get sense at all?
Me: abeg no vex bye bye idiot.
Josh: oyan anra.
Na mumu him just because of only five thousand naira na im they shout as if him they hospital wan born pikin, i nor know why that guy they always mumu like that oh.
I enter my room and close my door, time to sleep for tomorrow, school dey tomorrow and we get assignment self wey Mr. Joseph give us, and i hate calculus well well, i have to go school in time oh to copy from glory my lover, that girl head they scatter for calculus, wether them tear her head put test book i nor know, so i charge all my phone, torch and laptop, i took water out and baf, around after nine i snore into dreamworld,
::::::::
i see myself for big river with other fishermen, they took net and start catching fish, me i just stand they look them, they look like americans, i look my left and saw a basket, i took the basket and start packing snail on the ground, they many well well so i continue packing, as i was packing it i was couting them, i park twenty thousand snails, inside one small basket, then i took canoe and paddle it to one big stadium, i enter the stadium and start sharing it to evrybody, i make sure it get to everyone, then after i share the snail finish, i left the stadium and enter my canoe and paddle it back, on my way i saw a big ship with guns coming towards me, na those white guys wey i dey follow fish they the ship, as i saw them i try to get out of the way but they bend the ship to my side and wanted to crush me, as they wan just hit me na im i wakeup.
I look around and saw my alarm ringing, thank you alarm for saving me from that ship, but i wonder why my alarm they by 12:01AM, i dont rememebr setting my alarm oh.
{{comment.anon_name ?? comment.full_name}}
{{timeAgo(comment.date_added)}}
{{comment.body}}
{{subComment.anon_name ?? subComment.full_name}}
{{timeAgo(subComment.date_added)}}
{{subComment.body}}